Nahazo vokatra tsara amin'ny fikarohana nataony momba ny zezika kankana Andriamatoa Ranaivoarison Basile na i Papa Bio. Nivoatra dia nivoatra mantsy ny vokatra azo na tamin'ny fiompiana kankana na ny famokarana zezika ary indrindra ny vokatr'izany tamin'ny fampiharana azy amin'ny fambolena...
Tsy mena-mitaha amin'ny zezika biôlôjika hafa ny zezika kankana fikarohana nataon'ny Lanja Miakatra hoy Papa Bio. Nahazo tombontsoa tamin'izany ny mpikambana rehetra nanaraka fiofanana tao aminy. Tombontsoa tamin'ny fihatsaran'ny vokatra ary indrindra tamin'ny fahatsaran'ny fidiram-bola isam-pianakaviana.
Miantso ny manam-pahaizana momba ny fambolena Andriamatoa Ranaivoarison Basile, toa izany koa ny tompon'andraikitra misahana ny fambolena ary indrindra ireo mpikaroka, mba hifanakalo traik'efa hisian'ny fampandrosoana ny eny ambanivohitra. Misokatra hatrany ny varavarana hoy i Papa Bio.
