Maro amin'ireo tantsaha ato amin'ny Faritra Analamanga no resy lahatra amin'ny fampiasana zezika biôlôjika tsy misy taharo simika. 10 taona nirotsahana an-tsehatra sy nampitombo fahalalana amin'ny famokarana zezika kaompôsta Andriamatoa Randriamijoro Jacques Lucien ary nahita fahombiazana tamin'izany...

 

Antony roa no nanosika azy namokatra ny zezika kaompôsta. Vitsy ny omby eo am-pelan-tanany ka tsy mahatosika ny fambolena ilofosany ny zezika azo avy amin'ireo. Manararaotra ny zava-misy eny ambanivohitra koa izy.

Zezika azo avy amin'ny tontolo voajanahary misy eny ambanivohitra mantsy ny kaompôsta ; fampifangaroana ny ravi-kazo, ny fako-maina, ny zezi-pahitra. Mamokatra kaompôsta 15 hatramin'ny 30 sarety miankina amin'ny filan'ny taniny Andriamatoa Randriamijoro Jacques Lucien. Misy tombony ny fampiasana ny kaompôsta ho azy.

Miankina amin'ny fikarohana sy fanatevenam-pahalalana no ahafahana mahazo kaompôsta tsara kalitao ka ahazoana vokatra tsara amin'ny fambolena. Mizara fahalalana ho an'ny tantsaha namany ihany koa Andriamatoa Randriamijoro Jacques Lucien.

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...