Nitondra ny anjara biriky tamin'ny asa fampivoarana ny seha-pamokarana teny ambanivohitra ny Foibe FAFIALA. Manamariika ny faha-30 taona nijoroany ity foibe manana ny foiben-toerana eny Ambohimangakely Antananarivo-Avaradrano ity...

Homarihana ny 08 oktobra 2022 izao eny Ambohimangakely ny ivon'ny fankalazana ny faha-30 taonan'ny FAFIALA. Mifototra amin'ny fikarohana sy fampandrosoana, ny fampiofanana ary tohana ara-kevitra ny sehatr'asan'ny foibe hatramin'izay. Omena langa manokana amin'ny asa fampandrosoana voiziny kosa amin'izao fotoana izao ny politika ankapoben'ny Fanjakàna sy ny tanjon'ny fampandrosoana lovain-jafy. Miompana amin'izany avokoa ny fototra iorenan'ny asa fampandrosoana ilofosany, dia ny eo amin'ny sehatry ny fambolena, ny fiompiana madinika haingam-pihodina izay manaja ny rohy voaro sy ny tontolo iainana.

Isan'ny sehatra hananan'izy ireo fahaiza-manao manokana ny fiompiana landy. Hanamafy orina ny fampiroboroboana ity lalam-pihariana ity ny FAFIALA amin'izao 30 taona nijoroany izao. Foto-drafitr'asa tsangambaton'ny fankalazana ny faha-30 taona ny tranon-dandy, tokanana ny 08 oktobra izao.

Nametrahan'ireo mpiara-miombon'antoka marobe ny fitokisany na ara-bola na ara-teknika ny Foibe FAFIALA, niatomboka tamin'ny tohan'ny Coopération Suisse ka nahafahany nanao ny asa fampandrosoana nahenika ny lafy valon'ny nosy. Mitohy hatramin'izao izay fiaraha-miasa amin'ny mpiara-miombon'antoka izay hoy ny tale mpanatanteraky ny FAFIALA, Raveloarijaona Nonat. Maherin'ny 6000 isa ny tantsaha, ny teknisiana, ny tompon'andraikitra eny anivon'ny fikambanana nofanin'ny Foibe FAFIALA hanabe voa ny famokarana ilofosany nandritra ny 30 taona. Fiofanana niompana tamin'ny famokarana miaro ny tontolo iainana sy fampivoarana eny ambanivohitra.

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...