Manomana an'ireo tanora ho lasa tompon'andraikitra any amin'ny fikambanan'ny tantsaha samihafa manerana ny nosy, misy azy mivondrona ao anatin'ny tambazotran'ny Sendikan'ny Orina Ambanivohitra na ny tambazotra "SOA". Homanina ihany koa handimby an'ireo mpitantana zokiny amin'izao fotoana izao.

Andiany faha enina no miatrika ny fanofanana amin'ity taona 2022 ity, ka tanora 17 mianadahy avy amin'ny Faritra 11 no nanaraka fiofanana dingana faharoa teto an-drenivohitra ny volana marsa lasa teo. Misy dingana dimy moa ny fiofanana, ka isan'izany ny serasera sy ny fandraisam-pitenena, famaritana ny vina, ireo tetik'asa misy, azo iarahana miasa, ahafahana mampandroso ny eny ambanivohitra.

Vonona hampandroso ny famokarana any amin'ny faritra misy azy, ireo tanora misitraka fanofanana, izay iankinan'ny fahombiazan'izy ireo amin'ny andraikitra ho sahaniny. Tsy manana ahiahy intsony izy ireo amin'ny fitarihana ireo manodidina azy, hanatsara ny famokarany. Manana ny fomba enti-manana, izay noratovina tamin'ny fampiofanana. Manofana an'ireo tanora homanin'ny tambazotra "SOA" ho lasa mpitarika any amin'ny fikambanana misy azy ireo ny CEPA... Sehatr'asan'ny Tambazotra "SOA" nanomboka tany amin'ny taona 2015 ny fanofanana ny tanora ho lasa mpandraharaha amin'ny sehatr'asa eny ambanivohitra sy ny famolahana ireo tanora ho lasa mpitarika amin'ny fikambanana misy azy, any amin'ny faritra samihafa.

Tanora 18 hatramin'ny 35 taona moa no misitraka izao tohana ataon'ny tambazotra "SOA" izao hoy Andriamatoa Rakotonirina Tovoniaina Jocel, tompon'andraikitry ny tanora ao amin'ny tambazotra "SOA".