Hifarana ny taona, ora vitsy sisa dia hivalona ny taona 2021, efa ao anatin'ny taona vaovao 2022 indray isika amin'ny herin'ny anio. Tamberina fohy ireo zava-nisy nisongadina nanamarika ity taona 2021 ity teo amin'ny sehatry ny fampandrosoana ny tontolo ambanivohitra no hamaranana ny fandaharana amin'ity taona ity. Fandaharana "Hirika" tontosain'Andriamatoa Rakotoarison James Daniel, mpanao gazety eto anivon'ny Radio Don Bosco.
Ankasitrahana ianareo mpihaino avy amin'ny lafy valon'ny nosy nanaraka ny fandaharana sy ianareo niantso an-telefaonina nangataka fanazavana tamin'ny fandaharana natolotra teto. Mankasitraka ihany koa an'ireo mpisera nandray anjara tato amin'ny fandaharana nandritra ny taona 2021.
Fikatsahana ny fampandrosoana, fizaràna ny tsara ho fantatra ho an'ireo mpihainon'ny "Hirika" no nataonareo. Mankasitraka mankatelina tamin'ny anjara biriky lehibe nentinareo nahafahana nahatontosa ny fandaharana nandritra ny taona isaky ny alakamisy hariva ; fandaharana niisa 50 no nandeha teto. Mirary antsika rehetra hahatratra ny taona 2022 ny "Hirika".
