• Eto izao ianao :  
  • Fandraisana

Tsy sitrak'Andriamanitra ho fadiranovana ny olombelona ary efa hatramin'ny naharian'Andriamanitra an'izao tontolo izao no napetrany amin'ny toerana ampy ahasambatra azy izy sady nomeny adidy hanajary sy hiambina azy. Marina fa fanohizana ny asa fihariana ny asan'ny olombelona ary hanehoany ny voninahiny sy ny hasiny ka itovizany amin'Andriamanitra. Katesizy momba ny Eglizy, ny fianakaviana sy ny fivoaram-piainana, iarahana amin'i P. Bertrand Ratovoalinirina. 

♦ Ho fiomanana amin'ny Kôngresy Nasiônalin'ny MCCP amin'ny taona 2025, dia nanatanteraka Kôngresim-paritra ny MCCP Arsidiôsezy Avaratra... ♦ Nifanindran-dalana tamin'ny Fitsidihana Pastôraly nataon'ny Arsevekan'Antsiranana tao amin'ny Eglizy Iraka Immaculée Conception Andapa, ny fankalazana ny faha-200 taonan'ny masera Filles de la Charité du Sacré-Cœur de Jésus... ♦ Tafajoro ny 8 desambra tao amin'ny Paroasy Katedraly Masindahy Josefa Ambanja, ny Vondrom-bakaka Fihavaozana Karismatika Katôlika Fiombonana Immaculée Conception...

Misy lafintsarany sy lafiratsiny ny fomban-drazana. Mampiombona mora kokoa ny malagasy ny fomba malagasy sy ny fomban-drazana nifandovana, indrindra ireo mifahatra amin'ny ara-pitondran-tena : fihavanana, fifanajana, fiarovana ny aina ary ny fiombonana eo amin'ny samy mpiara-belona, ny fahaiza-miaina. Ireo soatoavina ireo dia anisan'ny zavatra tsara anefa potika noho ny toe-tsaina sy toe-po ananatsika koa mila mitandrina isika amin'ny fomban-drazana mba tsy ho lasa fanompoan-tsampy...

Alahady fahatelo amin'ny Fiavian'ny Tompo : Mifalia fa akaiky ny Tompo ; ato amiko ny fanahin'ny tompo, nirahiny hitondra teny soa mahafaly amin'ny malahelo aho. Evanjely Masina nosoratan'i Md Joany 1, 6-8 ; 19-28 : Nisy lehilahy anankiray nirahin'Andriamanitra, Joany no anarany ; tonga ho vavolombelona hanambara ny Fahazavana izy, mba hinoan'ny olon-drehetra noho ny teniny. Tsy izy anefa no Fahazavana fa tonga ho vavolombelona manambara ny fahazavana fotsiny izy... Alahadin'ny hafaliana no iantsona ny alahady fahatelo amin'ny fiavian'ny Tompo. Ny hafaliana no tokony hanenika ny mpanara-dia an'i Kristy na amin'ny mora na amin'ny sarotra...

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...