• Eto izao ianao :  
  • Fandraisana

Ny fijoroan'ny renim-pianakaviana ho mpanohana sy mpankahery ny vadiny dia efa tohana lehibe sady mandrisika azy hiasa. Adidin'ny raiaman-dreny ny mamelona ny zanaka, sady zon'izy ireo koa ny ho toy ny zana-bahoaka : misakafo, mianatra, mitafy, milalao. Ny fandraisana andraikitra sy fizarana asa madinika ao an-trano dia tsy fampiasana zaza fa fanazarana azy. Katesizy momba ny asa fivelomana andavanandro, iarahana amin'i P. Bertrand Ratovoalinirina.

♦ Feno 5 taona katroka andraony ny nahafatesan'ny Profesora Zafy Albert. Manohy ny tolona nataony ireo mpanara-dia  azy, ary nilaza fa mifanaraka amin'ny foto-kevitra nimatimatesany ny fanaovana fikaonandoham-pirenena... ♦ Herinandro androany no nikatsoan'ny raharaha eny anivon'ny fitsarana manerana ny nosy, vokatry ny fitokonan'ireo mpiraki-draharaha. Ahiana mbola hitohy amin'ny herinandro indray izany, manoloana ny tsy fisian'ny fandraisana andraikitra, hoy ny sendika...

Zava-dehibe no hahafantarantsika fa ao amintsika : Andriamanitra Ray, zanaka, ary Fanahy Masina. Andriamanitra Ray : amin'ny alalan'ny saina izay misy ny fahefana anaty. Ny zanaka ao amin'ny fo izay misy ny aina, izy mantsy no lalana sy fahamarinana ary fiainana. Tsy misaraka amin'izy ireo ny Fanahy Masina araka izay voalaza hoe "tsy fantatrareo va fa tempolin'Andriamanitra ny tenanareo". Fandaharana "mba ho vanona".

Tsara ny fananana dokotera na mpitsabo matihanina na ho an'ny olona tsirairay na ho an'ny fianakaviana. Misy tombontsoa azo tsapain-tanana ny fananana mpitsabo mahazatra satria io no efa mahalala ny fivoaran'ny fahasalamana manontolo. Haingana kokoa ny famaritana ny aretina mahazo ny olona iray, mihamora ny fanomezana fanafody ireo marary satria efa hain'ilay mpitsabo matihanina io ny fanafody tsy zakan'ny taovan'ilay marary. Ny sara-pizahana dia tsy voatery ho fandaniana betsaka satria efa voafehy ny fotoana sy ny soritr'aretina mpahazo matetika ny fianakaviana na ny olona tsirairay manana mpitsabo matihanina mahazatra...

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...