• Eto izao ianao :  
  • Fandraisana

Raha mivoatra ny teknolojia dia mivoatra miaraka aminy ihany koa ny paik'ady, entin'ireo mpanao ratsy. Hafatra ho an'ny ankizy dia hoe " ry ankizy liam-baovaoa, ny aterineto ampiasao saingy tandremo sao zava-doza ho anao" ry ray aman-dreny "aterineto malalaka, ray aman-dreny maharaka dia voaaro ny zanaka". 

Teny manambara finoana, fahatokisana, fahavononana hiroso ny teny hoe : "eny", ka vonona hanakambana ny fiainana amin'ny sitrapon'Andriamanitra ny tanora manao "eny" eo am-pirosoana amin'ny ho aviny. Sahia miroso, matokia ny hery omen'Andriamanitra. Katesizy momba ny eny amin'ny fahasahiana hanorina ho avy, iarahana amin'i P. Ratovonjanahary Jean Luc.

♦ Antsasak'adiny mahery izay no mizotra any Cotonou ny lalao eo amin'i Bénin, mpampiantrano sy ny Barean'i Madagasikara... ♦ Naiditra am-ponja vonjimaika ireo miaramila 12 lahy voasaringotra amin'ilay raharaha famonoana tovolahy kely tetsy amin'ny BANI Ivato. Nanazava ny momba ity raharaha ity androany, ny Minisitry ny Fitsarana... ♦ Handatsahana orana artifisialy ny tananan'i Fianarantsoa, noho ny olana amin'ny famatsiana rano any an-toerana. Feno nanomboka androany ny fepetra ho amin'izany, hoy ny eo anivon'ny Minisiteran'ny Rano...

Ny fifanampiana izay endriky ny fanehoana fitiavana dia tsy eo amin'ny olon-droa fotsiny ihany, fa eo amin'ny sehatra samihafa. Ny zavatra atao am-pitiavana tsy maintsy misy vokatra tsara. Fandraharana "Mba ho vanona" iarahana amin'i Jeneraly Désiré Philippe Ramakavelo.

[Miara-dàlana] Alatsinainy 14 jolay 2025

• Miditra amin'ny herinandro faharoa hanatanterahana ny fivorian'ny Pretra ny ao amin'ny Arsidiosezin'Antsiranana, izay entina hanomanana ny fankalazana ny faha-70 taonan'ny Diosezy ny volana septambra 2025... • Mila fanetren-tena sy finiavana tanteraka, tsy misy fanavahana ary mandrava ny elanelana ny tena fitiavana marina, hoy ny Arsevekan'Antananarivo nandritra ny Eokaristia Masina fisaorana an'Andriamanitra noho ny fahavitan'ny asa fanavaozana ny Evêché Andohalo... • Raiso ny sitrapon'Andriamanitra, hoy ny Papa Léon XIV, nandritra ny vavaka Angelus omaly, tao Castel Gandolfo...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...