Sabotsy 11 desambra 2021 — Herinandro faharoa amin'ny Fiavian'ny Tompo — Akaiky ny andron’ny Tompo, indro Izy fa ho avy hamonjy antsika — Evanjely Masina nosoratan'i Masindahy Matio 17, 10-13

Faminanian’i Malakia 3, 23 ny hoe : "indro aho haniraka an’i Elia mialoha ny ahatongavan’ny andron’ny Tompo, andro lehibe sy mahatahotra". Satria tsy hitan’ny Jody maso eo i Elia miverina, dia izay no tsy inoany an’i Jesoa. Hanomana ny hahatongavan’i Mesia manko i Elia. Eo indrindra i Jesoa no mitondra fampianarana : na tsy i Elia aza no eo fa i Joany Batista dia mahavita ny asany, manamboatra ny lalan’ny Tompo, nanomana ny olona tamin’ny batemim- pibebahana ary nanolotra an’i Jesoa hoe "Indro ny Zanakondrin’Andriamanitra, ilay manala ny fahotan’izao tontolo izao".

Na dia ny fahafatesan’i Joany Batista aza dia fambara mialoha ny fahafatesan’i Kristy : noho ny fialonana, noho ny fiarovana tombon-tsoa manokan’ny sasany. Saingy namela mamy izy, nahavonjy izy… Toa an’i Joany Batsista àry isika : aoka ahitana taratra an’i Jesoa. Aoka hanondro an’i Jesoa hoe Zanak’Andriamanitra, zanakondrin’ny Paka, manala ny fahotan’izao tontolo izao. Amen.

[Vaovao manokana] Alakamisy 17 avrily 2025

Notendren’ny Papa François ho Eveka’ny Diosezin’i Fenoarivo-Atsinanana i P. Mareck Ochlak, Lehiben’ny Fikambanana Oblats de Marie Immaculée, ao amin’ny Province Pologne amin’izao fotoana izao.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...