Alarobia 15 janoary 2020 — Herinandro voalohany mandavantaona — Evanjely Masina nosoratan'i Masindahy Marka 1, 29-39 — Mitenena, Tompo ô, fa mihaino ny mpanomponao. Ianao no manana ny teny mahavelona mandrakizay.

0 : 00

Anisan'ny nahatongavan'i Jesoa teto an-tany ny hampianatra antsika ny amin'ny Fanjakan'Andriamanitra. Fanjakana hajakan'ny fahafahana tanteraka, tsy misy fangenjana fa tena miaina malalaka amin'ny maha zanak'Andriamanitra. Tsy mijanona ho fampianarana fotsiny anefa izany fa narahany asa mivaingana: fanasitranana ny marary, fandroahana demony... Ary ireo nanana ny marary, na ny tsy salama, na ny azon'ny demony, dia samy nitondra ny havany teo anatrehan'i Jesoa ka sitrana avokoa ireny. Izany no anaporofoana ny finoana ananan'ny olona. Ny finoana no herim-panahy lehibe manentana ny olona hanatona an'i Jesoa mba hositraniny.

Areti-mandoza mahazo antsika ny fahotana. Mbola asan'ny demony ao amin'ny fiainantsika ny fahotana, mamatotra sy mangeja antsika. Ny sakramentan'ny fampihavanana no entin'ny Fiangonana manafaka antsika amin'izany fatotra sy geja izany.

Rehefa nahavita ny asam-pamonjena i Jesoa: nanasitrana ny marary, nandroaka fanahy maloto dia lasa nivavaka. Ny fivavahana no fanovozana hery ho entina hiatrehana ny fiainana. Fifandraisana amin'Andriamanitra ny vavaka. Ny hery nananan'i Jesoa dia vokatry ny fifandraisany amin'ny Ray. Koa raha tahiny tiantsika ny hahomby eo amin'ny fiainana dia tsy maintsy mivavaka isika. Ao anatin'ny vavaka no hahatsara fiafara ny fiainantsika.

[Miara-dàlana] Alatsinainy 22 septambra 2025

• Sarotra ny mitory kanefa meteza hanoha riana, hoy ny fampianarana nentin'i Mgr Marie Fabien Raharilamboniaina, Filohan'ny Fivondronamben'ny Evekan'i Madagasikara, nandritra ny toriteny nataony tamin'ny fanamasinana ho eveka an'i Mgr Mamiarisoa Modeste Randrianifahanana... • Miisa 564 mianadahy ireo andiany, nisalotra ny anarana Masindahy Augustin, navoaka tamin'ny sabotsy 20 septambra 2025, avy eo anivon'ny Mpikabary Katolika... • Tantano amim-pirahaliana sy amim-pahendrena ireo haren'ny tany, hoy ny Papa Léon XIV, tamin'ny fandalinam-pinoana nataony nandritra ny Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...