Talata 29 desambra 2020 — Andro fahadimy amin'ny havaloan'ny Noely — Andro masina no mamirapiratra ho antsika : avia, ry vahoaka, hitsaoka ny Tompo, fa hazavana lehibe no tonga eto ambonin’ny tany amin’izao andro izao — Evanjely Masina nosoratan'i Masindahy Lioka 2, 22-35

Asongadin’i Masindahy Lioka amin’ity Evanjely ity fa i Kristy tonga nofo no fahazavan’ny jentily, satria :

• Izy no hampianatra ny olombelona ny lala-marina hahitany an’Andriamanitra. Miainga amin’io zaza teraka an-tranon’omby io no itarihan’Andriamanitra antsika olombelona, hanavaozany ny fiainantsiaka sy ny fombantsika hizorana amin’ny mazava, dia isika miaina ao amin’ny aloky ny fahafatesana.
• Tao Aminy koa no tanteraka ny fampanatenan’Andriamanitra momba ny famonjena ny olombelona, araka ny tenin’i Simeona hoe : "ny masoko no nahita ny famonjena avy aminao, izay namboarinao teo anatrehan’ny firenena rehetra". I Kristy tonga nofo no mpamonjy izao tontolo izao, ka izay mila famonjena dia manatona sy mandray Azy.

Ny toe-javatra misy sy iainana ankehitriny, indrindra fa ireo karazana haratsiana manjaka eran’izao tontolo izao, dia vokatry ny fanadinoana an’Andriamanitra ka ilantsika an’i Kristy, ilay Mpamonjy, hampianatra antsika ny toe-piainana vaovao, hiainana ny fiadanana sy ny fanambarana marina. Io Kristy tonga toa antsika io no araho sy ifandraiso fa ao Aminy irery no tonga lafatra ny fanavotana antsika.