Talata 24 desambra 2019 — Herinandro fahefatra amin'ny Fiavian'ny Tompo — Evanjely Masina nosoratan'i Masindahy Lioka 1, 67-79 — "Ry ilay Mpanjakan'ny firenena rehetra, avia ary vonjeo ny olona izay noforoninao tamin'ny vovo-tany".
Ity Evanjely ity dia nofaritan'ny Eglizy ho "Tonokiran'i Zakaria" satria miendrika hira fiderana an'Andriamnitra izay nahatanteraka ny famonjena izay nampanantenainy. Efa akaiky ny Tompo, ho avy Izy. Ny fahatongavany eto anivontsika dia mitondra fahazavana. Izy tokoa no Masoandro hamangy antsika avy any ambony mba hanilo izay rehetra mipetra ao amin'ny maizina. Izy no hanazava ny fiainantsika sy hitarika antsika amin'ny làlam-pahamasinana sy ny làlam-piadanana.
