Sabotsy 21 desambra 2019 - Herinandro fahatelo amin'ny Fiavian'ny Tompo.
Evanjely Masina nosoratan'i Masindahy Lioka 1, 39-45.
Misongadina indrindra teo amin'ny tantaram-pamonjena ity tantarain'i Masindahy Lioka amintsika ity dia ny famangian'i Masina Maria an'i Elizabeta.
Reny roa nahita sitraka teo imason'Andriamanitra rehefa nino sy natoky ary nanokatra ny fony hotsilovin'ny Fanahin'Andriamanitra. Tsy fihaonan'ny mpirahavavy fotsiny anefa io famangiana io fa fanambarana ankarihary ny fahatanterahan'ny fandaharan'Andriamanitra momba ny famonjena an'izao tontolo izao.
