Talata 25 febroary 2020 — Herinandro fahafito mandavantaona — Evanjely Masina nosoratan'i Masindahy Marka 9, 30-37 — Niantso antsika tamin'ny alalan'ny Evanjely Andriamanitra mba hahazoantsika ny voninahitr'i Jesoa Tompontsika.

0 : 00

Nanambara sahady ny tsy maintsy hijaliany sy hahafatesany ary ny fitsanganany ho velona amin’ireo mpianany eto i Jesoa. Eo anatrehan’izay dia toa tsy mampiraika an’ireo mpianatra akory izany fanambaràna izany fa ny maha maika azy ireo dia izay ho lehibe amin’izy ireo.

Ambaran’i Jesoa àry fa raha tsy miova tahaka ny zazakely dia tsy hiditra amin’ny fanjakan’ny lanitra. Ny zazakely izay fantatsika fa tsy mahalala na inona na inona nefa kosa mbola manana fotoana betsaka hahafantarana zavatra maro. Eo imason’i Jesoa àry dia ny ngeza no midika hoe fanetren-tena. Io toetra io no hahafahantsika miditra amin’ny fanjakan’ny lanitra.

Raha te ho lehibe ary isika dia tsy maintsy ny manaiky ho kely tahaka ny zaza. Izany akory tsy midika hoe hanao sain-jaza, fa ny toetra feno fahatsorana eny aminy no alaintsika tahaka. Ny lehibe dia tsy ireo manana fahefana na fahalalana na ihany koa ireo manana vola sy harena fa izay miaina ao anatin’ny fanetren-tena ka manaiky ny maha mpanota eo anatrehan’Andriamanitra satria miankina amin'ny famindram-pony mandrakariva.

Raha te ho lehibe marina tokoa àry isika dia tokony ho vonona hanompo amin’ny fo madio tokoa, izany hoe tsy mitady tombony na voninahitra na toerana voalohany amin’izay asa atao.

Ny tsy fanilikilihantsika olona àry, na lehibe na zazakely dia midika sahady fa fanompoana sy fanetren-tena no entitsika  miaraka amin’izy ireo. Ny fandraisantsika azy ireo tokoa dia midika sahady ny fandraisantsika an’Andriamanitra.

[Miara-dàlana] Alatsinainy 4 aogositra 2025

• Fandraisana an'i Kristy ho namana akaiky ary ho malina hatrany eo anatrehan'ny fisarihana manodoka ka handalina ny finoana, no nanentanan'ny Arsevekan'Antananarivo ny tanora rehetra, nandritra ny famaranana ny JMJ Diosezy tany amin'ny Distrikan'i Mahitsy... • Nanentana ny tanora rehetra ihany koa ny Papa Léon XIV, mba hifikitra mandrakariva amin'i Kristy ny tanora, nandritra ny famaranana ny Jobilin'ny Tanora izay notanterahana tany Roma... • Eo amintsika sy ao amintsika i Jesoa Tompo ao amin'ny Eokaristia, hoy ny Papa Léon XIV, ka andeha isika hisaotra ny Tompo noho ny fanomezana lehibe amin'izao andro Jobily izao. Hafatra nentiny ho an'ny tanora nandritra ny vavaka Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...