Alatsinainy 6 marsa 2023 — Herinandro faharoa amin'ny Karemy — Ny tsara no tadiavo fa aza ny ratsy mba ho velona ianareo ka homba anareo ny Tompo — Evanjely Masina nosoratan’i Masindahy Lioka (Lk. 6, 36-38)

Ny toetran’Andriamanitra mpamindra fo no irian’i Jesoa halaintsika tahaka raha mihevitra ny mahari-po sy be hatsaram-po amam-pahamarinana sy be hatsaram-po amam-pahamarinana. Ny mamindra fo dia midika fa tsy vitan’ny mangoraka fotsiny, fa mijaly amin’ny fijalian’ny hafa koa kanefa ny tsy fanekena ny sitrapony no mampijaly io olombelona io. Tsy ny fahafatesan’ny mpanota no sitrany fa ny fibebahana mba ahavonjy azy.

Anisan’ny lehibe indrindra amin’ny lalàn’ny famindram-po, izay te hiaina izany, dia mila miala amin’ny fitsaratsaram-poana sy ny fanamelohana ny tsy manan-tsiny, mianatra mamela heloka sy mizara. Ambaran’i Osea mpaminany, fa tsy afaka handao ny vahoakany Andriamanitra amin’ny maha Andriamanitra Azy, honena ny fony ary tsy haneo ny hatezerany izy (Osea 11, 7-8). Ny zanak’Andriamanitra mino an’i Kristy, tafatsangan-ko velona, dia miezaka manao soa na amin’iza na amin’iza, satria izany no fomban’Andriamanitra.

Ny Fanahy Masina anie, hanampy antsika hibebaka marina tokoa ka hahatsapa ny voka-dratsin’ny ota sy hankahala ny fahotana, hitady izay fomba hanasoavana ny olombelona rehetra, indrindra ny mpanota mila ny famindram-po bebe kokoa.