Alarobia 4 janoary 2023 — Mialoha ny Nisehoan'ny Tompo — Andro masina no manazava antsika: tongava, ry firenena, ary avia hitsaoka ny Tompo ; satria nidina ety ambonin’ny tany ny Hazavana lehibe — Evanjely Masina nosoratan'i Masindahy Joany 1, 35-42

Henontsika teo fa rehefa nitodika i Jesoa, ka nahita ireto mpianatra roa lahy nanaraka azy dia ny teniny voalohany dia ny hoe “inona no tadiavinareo?”. Ny valintenin’ireo dia mbola miendrika fanontanina ihany koa : “Ry mpampiantra, aiza ianao no mitoetra?”

Isika tsirairay manara-dia an’i Kristy ihany koa, no hametrahany an’io fanontanina io : inona no tadiavinao, inona no tadiaviko? Fanontanina toa mipetraka hampisaina antsika mba handinika, inona marina ny antony hitadiavantsika an’i Kristy. Mitady ny tena fiainana marina ve isika ka vonona hitoetra miaraka Aminy, mba hizaha ny fonenany, hahalalantsika ny momba azy sy hahafahana manara-maso ny fiainany ka hahafahantsika manovo ny hasambarana ao aminy. Halalantsika Azy misy kokoa, ny hoe mahalala an’i Jesoa dia tia Azy sy matoky Azy. Fa izy kosa, rehefa matoky azy sy manaiky hanatona azy isika, dia mandinika antsika koa ary manome antsika anarana vaovao, hanambara ny iraka tiany hampanaovina antsika, tahaka an’i Masindahy Piera: ianao no vato, vatofototra iorenan’ny finoana.

Hazavao ry Jesoa ny fonay, hahita anao ka hitoetra hiaraka aminao mandrakariva.