Alahady 17 jolay 2022 — Alahady fahenina ambin'ny folo mandavantaona — Sokafy ny fonay, ry Tompo Andriamanitra, mba hitandremanay ny tenin’ny Zanakao — Evanjely Masina nosoratan'i Masindahy Lioka 10, 38-42
Mba ahafahana manara-dia an’i Kristy dia tsy maintsy mampiantrano azy, mila mitoetra eo an-tongony mba hiahino ny fampianarany. I Jesoa izay nilaza fa i Maria no nisafidy ny anjara tsara indrindra izay tsy halana aminy dia tsy manambany an’i Marta akory.
Mety hisy amintsika mantsy ho tratran’ny fakam-panahy. Ilaina mandrakariva ny mampifandrindra ny vavaka sy ny soa, indrindra izay asa. Izay te ho mpianatra dia tsy maintsy mandray baiko avy amin’ny mpampianatra.
Tsy mahazo kamo miasa sy kamo mivavaka ; tsy ampy ny miasa fotsiny nefa tsy mivavaka, ary tsy ampy ny mivavaka fa tsy miasa, hoy indrindra i Masindahy Jakoba. Ireo mpitory ny tenin’Andriamanitra dia tsy maintsy mitondra vatsy avy any amin’ny tompon’ny teny ; manokana fotoana ivavahana, handinihana ny Tenin’Andriamanitra, handalinana azy mba hanaiky hovany hatrany anaty fo.
