Sabotsy 18 jona 2022 — Herinandro faha iraika ambin'ny folo mandavantaona — Tsy ny mofo ihany no iveloman’ny olona, fa ny teny rehetra aloaky ny vavan’Andriamanitra — Evanjely Masina nosoratan'i Masindahy Matio 6, 24-34
Mamintina izay rehetra nifampizarana tamintsika nandritra ity herinandro ity, io tenin'i Kristy tamin'ny Evanjely teo io : "Aza manahy ny ho ampitso ianareo". Raha mandray sy mametraka azy eo amin'ny fiainantsika isika ary manatanteraka sy miaina izay tokony hataontsika aminy, dia hatoky azy tanteraka ary hanantena mandrakariva ny fitiavany.
Tsy mamela izay nohariany ho faty momoka sy hijaly foana eny Andriamanitra. Zanaka isika, ambony lavitra sy sarobidy noho ny voromanidina sy ny zava-maniry eny an-tsaha, ary voarakitra ao am-pony, tsy hadinony velively, fantany izay mahasoa sy ilaintsika.
Tiavo izy ary itokio tanteraka dia tsy ho very anjara amin'ny fahasoavany isika.
