02 septambra — I Masimbavy Ingrid dia zafikelin’ny mpanjaka tao Suède, zanak’i Knut mantsy ny reniny. I Knut io ilay mpanjaka tao Suède. Rehefa maty ny vadin’i Ingrid dia nandeha nanao fivahinianana tany amin’ny Tany Masina izy.

[audio src="/images/sounds/saint-20200902.mp3" background="#0099ffff"]

Rehefa niverina izy dia nandalo tao Roma ary nahazo alalana avy amin’ny papa hanorina fikambanana relijiozy mihiboka tao amin’ny fireneny. Ilay anadahiny nantsoina hoe Jean Olovson, Chevalier teutonique, no nanampy azy tamin’ny vola nentina nanorenana izany trano fitokana-monina ho an’ny fikambanana relijiozy mihiboka izany. Notokanana ny 15 aogositra 1281 tao Skänninge tao Suède io trano fitokana-monina io. Indrisy anefa fa herintaona tao aorian’izay dia nantsoin’ny ray hody handray ny valisoany any amin’ny mandrakizay i Ingrid ny 02 septambra 1292.