01 septambra — Teraka tamin’ny faraparan’ny taonjato fahafito tao Athènes ka nankany Provence mba hanokatra trano fitokana-monina i Gilles izay nanandray ny anarana hoe Gilles du Gard, ary nodimandry tao izy ny toana 710. Ny lalana nandevenana azy dia lalana mankany amin’ny Saint-Jacques-de-Compostelle.

Indray andro raha andeha hihaza i Wamba mpanjakan’ny Visigoth dia nanondidina dia nihaodihaody ny trano fitokana-monin’i Gilles nanaraka an’ilay serfa vavy, niafina tao amin’ny lava-baton’i Gilles io biby io ary nivavaka i Gilles mba tsy hisy ho tafiditra ao ny mpanara-dia ny mpanjaka. Ny mpanajaka ihany no afaka niditra tao niaraka tamin’ny evekan’i Nîmes, vantan’ny vao nahita an’i Gilles izy ireo dia nisy nitoraka tsipika i Gilles ka naratra. Nolavin’i Gilles ny fanampiana rehetra fa tao aoriana dia nekeny ihany ny ho mpitantana trano fitokana-monina iray naorin’ny mpanjaka.

Mpiaro ny boka sy ny mandringa i Gilles satria araka ny tantara dia lasa kilemaina izy tao aorian’ny nanavotany ilay serfa vavy, ary mpiaro ny mpitaiza ihany koa izy noho izy nitondra famonjena ho an’io serfa io. Antsoina ihany koa i Masindahy Gilles raha matahotra, satria niaro ilay serfa raiki-tahotra izy. Iray amin’ireo olomasina efatra ambin’ny folo antsoina hoe olomasina mpanampy i Gilles. Ireo moa ilay antsoina amin’ny teny frantsay hoe “saints intercesseurs”.