19 febroary — Raha ny tantaran'i Masindahy Gabin dia tsy dia misy ambara firy nefa na izany aza, izay kely fantatra momba azy dia ahafahana maka ohatra ny finoana nananany. Niaina tamin'ny taonjato fahatelo i Masindahy Gabin.
Rahalahin'ny papa Caïus izy, izay nitantana ny Fiangonana 283 ka hatramin'ny taona 296. Niaina tamin'ny fitondran'ny Amperora Dioclétien izy ireo. Nampianatra sy nitory ny Vaovao Mahafalin'i Kristy no nataon'i Gabin. Nosamborina izy ary naiditra am-ponja. Natao toa izany koa ny zanany vavy dia i Masimbavy Suzanne izay tsy nanaiky hanambady ny zanaky ny Amperora. Matin'ny harerahana sy hanoanana tao an-tranomaizina moa i Gabin.
