Zava-dehibe ny ezaka ho fampanjakàna ny rariny eo amin'ny fiainan'ny olona tsirairay, manampy antsika ny lalàna sy ireny asa-soratra isan-karazana ireny. Ny mikasika ny asa dia tokony hatao am-pitiavana sy araka ny lalàna, ka ny toe-tsaina maha mpiasa marina no omena lanja. Ny fanampiana ny olona amin'ny fijoroana amin'ny finoana no ezaka tsy maintsy himasoan'ny mpitondra fivavahana mba hampanjakàna ny rariny.

Ny fanorohana ny ôtely dia mariky ny fisian'i Kristy ao anatin'ny fiangonana ; raisin'ny pretra amin'ny alalan'ny fanorohana ny ôtely ny herin'i Kristy ary tonga ivon'ny fangalazana ny pretra aorin'io fihetsika io, izy izay solon-tenan'i Jesoa Kristy. Ny fihetsika manoroka ny ôtely dia fanomezam-boninahitra an'i Jesoa kristy ; efa tamin'ny taon-jato faha-4 no nisian'izany izay hatao amin'ny fanombohan'ny Lamesa sy amin'ny famaranana.

Ny fihetsika rehefa amin'ny fanomezam-piadanana dia fihetsika maneho am-pahibemaso fa mihavana, ary samy manana ny fihetsika hataony ny kristiana, ao ireo mifamihina, mifandray tanana.