Misy manda lehibe roa miaro antsika kristiana dia ny tenin'Andrimanitra ny Testamenta Taloha sy ny Testamenta Vaovao ; ary eo ihany koa ny Sakramenta fito. Misongadina amin'ireo Sakramenta fito : ny Eokaristia sy ny Sakramentan'ny filaharana. Tsy misy ny atao hoe "krizy" eo amin'ny fiainan'ny Eglizy fa ny olona tsirairay no tsy mahatsapa ny hasin'ny tenany, aina, fo amam-panahy, tanindrazana, ary ny hasin'ny tontolo iainana.
Ireny hasina ireny no mikolokolo ny fomba amam-panao, izay mahatonga antsika hanana ny haja, sy ny andraikitra eo anivon'ny fiaraha-monina. Tokony hialana lavitra ny fanitsakitsahana ny "Hasina sy ny Aina" satria izany no miteraka ny hoe "Crise d'identité". Ny aina no hiorenan'ny fihavanana, firaisan-kina... Adidy ho an'ny tsirairay ny fiarovana ireo toerana na fitaovana na zavatra hafa ka ahatsapana ilay hoe "fananana iombonana" satria izany no maneho ny fifanomezan-kasina.
