Mirary soa ho an'ny vahoaka Malagasy rehetra ny Filohan ny FFKM, Mgr Odon Marie Arsène Razanakolona, Arsevekan'Antananarivo, mba hanjaka eto amin'ny firenena ny marina, amin'izao taona vaovao 2022 izao.

Mankahery ny mpitondra fanjakana sy ny mpitondra Fiangonana izy mba hampanjary ny rariny sy ny fahamarinana mba hahitan'ny vahoaka ny lalana izorana, hahatrarana ny tanjona iraisana : ny fampandrosoana hanoherana ny fahantrana. Mirary an'ity taona 2022 ity ho taonan'ny fifampitsinjovana, ny fifanampiana, ny fampihavanana ary ny fanantenana ho an'ny vahoaka Malagasy rehetra, indrindra ireo niharam-boina noho ny valan'aretina, ny loza an-dranomasina tany Soanierana Ivongo ary ireo nilatsaham-potaka tany Tsiroanomandidy.