Nampihatra fomba fambolena voatabia nohatsaraina, ahazoana vokatra haingana ao anatin'ny fotoana fohy ary mandava-taona, mampihena ny vola mivoaka amin'ny fividianana masomboly ny fikambanana Lanja Miakatra... 

 Teknika ampiharina vokatry ny fikarohan'ny tantsaha mpikambana ao amin'ny Lanja Miakatra tarihan'Ingahy Papa Bio na Andriamatoa Ranaivoarison Basile. Teknika ahazoana vokatra mandava-taona. Indray mandeha ihany no mampiasa masomboly fa ny solofonà voatabia maniry indray avy eo no afindra sy ambolena amin'ny zezika kankana raha te hanao fambolena vaovao dia toa izany hatrany.

Mamokatra ao anatin'ny fotoana fohy ny voatabia ambolena amin'ity teknina iray ity, ary betsaka lavitra amin'ny fomba fambolena nahazatra ny tantsaha hatramin'izay ny vokatra azo avy aminy. Biolojika tanteraka mahasalama, maharitra tapa-bolana mahery ny voan'ny voatabia tangosana fa tsy toa ireny tahirizina telo na efatr'andro ireny dia efa lo tsy azo ampiasaina.

Azo ampiharina amin'ny voly apemba na ny sorgo ihany koa ity teknika amin'ny fambolena voatabia ity, ka afaka mampiaka-bokatra in'enina isan-taona raha toa ka in-droa ihany ny mahazatra hatramin'izay. Teknika hampitombo ny vokatra ny fambolena amin'ny alalan'ny solofonà voatabia na ny apemba.

[Miara-dàlana] Zoma 29 aogositra 2025

• Olon-dehibe mijoro amin'ny finoana sy fanantenana Kristianina, hampanjaka ny fahamarinana sy ny fitiavana eo amin'ny fiarahamonina sy ny tontolo iainana. Io teny manentana ny Andro Nasionaly ho an'ny Olon-dehibe andiany faharoa io no nantintranterin'i Mgr Jean Nicolas Rakotojaona nandritra ny fanokafana izany tany amin'ny Diosezin'i Morondava... • Samy ao anatin'ny fanatanterahana ny Andron'ny Tanora isan-diosezy ihany koa ny ao amin'ny Diosezin'i Fianarantsoa sy Port-Bergé, izay hifarana ny alahady izao...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...