Tamin'ny 04-05-06 aogositra 2021 teo no nanamarihana ny andron'ny vaksiny Polio teo Madagasikara ho an'ireo faritra ahiana ho misy tranga vaovao. Ny vaksiny ho an'ny lefakozatra dia natao ho an'ny zaza vao teraka hatramin'ny 59 volana. Ny lefakozatra dia aretina efa elabe no nisiany satria tamin'ny taona 1840 no nahitan'ilay Mpitsabo Jacob Heine azy voalohany. Misy karazany telo ny lefakozatra fa kosa voasoroka amin'ny alalan'ilay vaksiny amin'izao daholo...

Mifindra amin'ny alalan'ny loto tafiditra any am-bava ny lefakozatra. Ny 90% ny olona mararin'ny lefakozatra dia tsy ahitana soritr'aretina "Porteur sain" fa ny 10% ihany no ahitana fambara : manavinavy, malemilemy, marary andoha, maloiloy, mandoa, mihenjana ny hatoka, fahalemena tampoka...