Rehefa anatin'ny vanim-potoanan'ny ririnina toa izao dia isan'ny taova mora andairan'ny aretina ny orona. Ao anatin'ny orona dia ahitana kambon'orona izay ilaina, ary misy karazany telo ireo : kambon'orona ambany, ampovoany ary ny ambony. Misy lavaka miisa roa amin'ny faritra ambonin'ny orona, ireo dia mampifandray ny orina amin'ny tenda sy ny sofina. Ahitana retsika mifandray amin'ny atidoha mba ahafahana mandray sy mamantatra fofona. Ny asan'ny orona dia ifohana rivotra.
Rivotra izay fohana amin'ny orona dia mandalo ny tenda sy ny avokavoka, mba ahafahan'ny vatana manontolo miaina tsara ; noho izany raha misy olana ny orona dia misy faritra amin'ny vatan'olombelona tojo tsy fahatomombanana. Ny karazan'aretina mety hiatra amin'ny orona : sery, gripa, tsy fahazakana zavatra, sinozita, kambon'orona...
