Efa noresahantsika teto avokoa ny paik'ady rehetra entina manorina fahombiazana sy fiadanana, na teo amin'ny lafiny ara-batana, na teo amin'ny lafiny ara-tsaina, na teo amin'ny lafiny ara-po sy fitiavana, na teo amin'ny lafiny ara-panahy.
Ny lafiny ara-piaraha-monina dia tsy azo atao ambanin-javatra ihany koa, izay tafiditra indrindra amin'ireo toetra mamaritra ny maha olona manontolo. Sakana manakorontana mandrakariva ny fifandraisan'ny olona roa ny fametrahana famaritana ao an-tsaina momba ny olona manoloana azy na avy amin'ny an-daniny izany na avy amin'ny an-kilany. Mila kolokoloina nefa ny fifandraisana amin'ny olona manoloana anao raha tianao ny hahita fahombiazana sy fiadanam-po, eo amin'ny fiainana andavanandro. Mamafy toe-tsaina vaovao ao aminao ianao fa ny olona dia afaka miova foana. Manova fiteny sy fomba fiteny ihany koa. Mihaino bebe kokoa fa miteny vitsivitsy. Ny sofina no natao hiasa bebe kokoa, roa no isany, miohatra amin'ny vava izay tokana monja.
