Alatsinainy 23 desambra 2019 — Herinandro fahefatra amin'ny Fiavian'ny Tompo — Evanjely Masina nosoratan'i Masindahy Lioka 1, 57-66 — "Ianao ilay Emanoela, mpanjaka sy mpanalàlana anay. Avia hamonjy anay ry Tompo Andriamanitray."
I Elizabeta dia vehivavy momba nefa dia nomen'Andriamanitra zaza ihany na dia tao anatin'ny fahanterana aza. Midika izany fa miditra an-tsehatra eo anivon'ny fiainantsika olombelona mihitsy Andriamanitra. Tsy misy tsy hain'Andriamanitra hatao, raha mino isika.
Nanana anjara toerana lehibe tokoa i Joany teo amin'ny tantaram-pamonjena. Izy no mpaminany farany nanambara ny fahatongavan'ny Mesia sy nanao batemy azy mihitsy. Na dia teo aza izany asa lehibe nataony izany dia nitafy ny fanetren-tena mandrakariva i Joany.
