Ireo antony mahatsara ny fianakaviana : mahay mifampikarakara, mifampihaino, mifanakaiky am-po ary mahay mifampahery. Fandaharana "mba ho vanona" iarahana amin'i jeneraly Ramakavelo Désiré.
Mba hahatsara ny tontolon'ny fahasalamana amin'ny ankapobeny dia ilaina ny fanaovana fandinihantena amin'ny alalan'ny fananganana fafana fampitahana. Atao hita taratra ao anaty fafana ny tsara tokony ho tohizana, ny lesoka tokony harenina, ireo mampiahiahy (tsara/ratsy). Betsaka loatra ny pozina manimba ny fahasalam-bahoaka isan'izany ireo milaza ho mpitsabo anefa tsy nianatra mikasika ny fitsaboana sy ny fahasalamana, maro ihany koa ireo mivarotra fanafody na fitaovana entina hitsaboana anefa tsy nahazo alalana...
♦ Nigadona androany tany amin'ny Diôsezin'Ambanja, i Mgr Donatien Francis Randriamalala, izay notendren'ny Papa François ho Eveka any amin'ity Diôsezy ity... ♦ Nanjavona teo am-pelantanan'ny mpitandro ny filaminana ny rongony valo gony, rehefa avy nalain'izy ireo tao amin'ny tokantrano iray, tao Tanambao any Morondava. Nisy ireo nijoro ho vavolombelona tamin'ity tranga ity... ♦ Ahiana hikatso ny famatsiana entana samihafa, satria hiroso amin'ny fitokonana ireo mpitondra camion, raha toa ka tsy misy ny fandraisana andraikitry ny mpitondra amin'ny lalam-pirenena faharoa, mialoha ny alahady izao...
Lahabolana an-kira, fanao amin'ny faritra atsimo andrefan'ny nosy ny "beko" ka ny tena miangaly azy ity dia ry zareo Antandroy sy Masikoro ; fanao an-danonana (fahoriana na fifaliana) ity karazan-dahabolana ity. Tahaka ny karazana literatiora aman-dahabolana rehetra dia mivoatra ny "beko" ka na eo aza ny mbola fiangaliana ny "beko" nentim-paharazana dia efa misy ihany koa ny amin'ny endriny ankehitriny. Ho an'ny "beko" nentim-paharazana dia samy afaka mibeko avokoa ny rehetra : na kely na lehibe, indrindra ny zatovo lahy. Ny "beko" vaovao dia miavaka amin'ny tonony sy ny feony raha mitaha amin'ny nentim-paharazana ka ampiasaina amin'ny hira fanao any am-piangonana sy ny hira madinika izy ireny...
♦ Nanetriketrika ny fitsenana an'i Mgr Orthasie Marcellin Herivonjilalaina, tamin'ny alarobia 9 ôktôbra 2024... ♦ Pretra roa sy Diakra iray avy amin'ny fikambanana Frères Mineurs Capucins no nohamasinina tamin'ny alahady 6 ôktôbra 2024, tany Befandriana Nord, Diôsezin'Ambanja... ♦ Ny Fanahy Masina no miantoka ny maha maneran-tany sy maha iray ny Eglizy, hoy ny Papa François, nandritra ny Audience générale, ny alarobia 9 ôktôbra 2024...
Tohiny...Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco