Tsikaritra ankehitriny fa miaina anaty korontana, tsy fandriam-pahalemana,fifampiantsiana ary indrindra ny herisetra amin’ny endriny maro ny ankamaroan’ny Malagasy, misy aza no mahavita mandatsa-drà mihitsy. Manoloana ireo tranga ireo, dia tsapa fa fotoana ampahatsiahivana ny atao hoe : Fihavanana Malagasy izao, ary iverenana amin’ny tena fototr’izany soatoavina manana ny maha-izy azy izany. Ny Fihavanana, araka ny famariatana anakapobehany, dia mifototra amin’ny aina. Koa ho an’ny Malagasy, ny aina no mampihavana ny tsirairay, izany hoe : iray aina avokoa ny olombelona. Fandaharana "miaina sy mitia" hiarahana amin’ny Vaomieran’ny Eveka, eto amin'ny radio Don Bosco, iarahana amin'ny Ivon-toerana Arrupe Madagasikara.
Ny vavaka dia resaka amin'Andriamanitra, fanondrotana ny fanahy mankany amin'Andriamanitra ; ny Salamo dia pôezia sy tononkalo natao ho hiraina, izay mila aingam-panahy. Misy karazana endrika maro ao amin'ny Salamo : misy ny Salamon'ny mpanjaka, misy ny fidirana ao an-tempoly, misy fanao amin'ny fivahinianana masina, misy hiran'ny Siôna, misy fampitana hafatra sy lesona. Katesizy momba ny vavaka miaraka amin'ny Salamo, iarahana amin'i P. Flavien Andriamirijanirina.
♦ Efa zara raha mandeha ny fampandehan-draharaha amina Kaominina maro, ka tokony hotanterahana amin'ity taona ity ny fifidianana, hoy ny Kmf/Cnoe... ♦ Ny 43%-n'ireo mpila raharaha no efa niharan'ny kolikoly amin'ny fikarakarana antontan-taratasy momba ny fananan-tany, raha ny fanadihadiana nataon'ny Transparency International. Navoaka androany teny Andrainarivo ny momba izany... ♦ Olona 12 no voasolokin'ny lehilahy iray, milaza fa mampiditra mpiasa ao amin'ny Minisiteran'ny Asa Vaventy. Vola 16 tapitrisa mahery no azony tamin'ireo olona ireo. Natolotra ny Fampanoavana androany, io lehilahy io...
Fandaharana nitety vanim-potoana maro ny "mba ho vanona", niatomboka tamin'ny fandaharana "fitiavana sy ny tontolony" ary ny "E.V.A". Mpanetana nanao ny ezaka nampanjary ny fandaharana Andriamatoa Flavien Rakotoarison, efa naharitra 28 taona no nanaovany izany asa izany. Fandaharana "mba ho vanona" iarahana miasa amin'ny jeneraly Désiré Ramakavelo.
♦ Avy amin'ny Hazofijaliana no ahatsapantsika ny fitiavan'Andriamanitra izay mitondra hafaliana ho antsika ka zaraintsika amin'ny hafa, io no nivoitra tamin'ny fankalazana ny fanandratana ny Hazofijaliana sy nanamarihana ny faha-60 taona naha relijiozy an'i Sr Délphine Marcelle Razanamiadana, avy amin'ny fikambanana Sœurs Notre-Dame du Cénacle... ♦ Eglizy Misiônera velomin'ny finoana, nahitana taratra ny firahalahiana sy ny fangorahana, io no tsapan'ny Papa François tamin'ny fitsidihana apôstôlika nataony tany Azia sy Oseania...
Tohiny...Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco