• Eto izao ianao :  
  • Fandraisana

Natao ho an'ny daholobe ny harena : natokan'Andriamanitra hampiasain'ny daholobe sy ny vahoaka rehetra ny tany sy izay rehetra eo aminy, ka noho izany ny harena voajanahary dia tokony ho tsinjaraina tsy misy fiangarana. Andriamanitra no fototra voalohany niavian'ny harena rehetra : nanome tany ny olombelona mba hifehezan'ny olombelona ny tany amin'ny alalan'ny asany ary hiotazany ny vokatra eo aminy. Katesizy momba ny soa iombonana sy ny fiharian-karena, iarahana amin'i P. Marcel Ranivomanalina.

♦ Nitombo avo telo heny noho ny teo aloha ny vola nahiahiana fa nofotsiana teto Madagasikara tamin'ny taona 2021. Vola 1.800 miliara Ariary no nahiana fa maloto, nefa nampiasaina teto amintsika, raha ny tatitry ny SAMIFIN androany... ♦ Nasiam-panovana ny lalan-jotran'ny "téléphérique" mampitohy an'Anosy amin'Ambatobe... ♦ Tsy tratra ny tanjona tamin'ny fanatanterahana ny drafi-pirenena fampandrosoana ny fambolem-bary 2016-2020. Tsy nihoatra ny 4% isan-taona ny tahan'ny famokarana teto amintsika, hoy ny Minisitry ny Fambolena sy ny Fiompiana, androany...

Ny maha olom-pirenena dia ny fifanajàna, ny filaminana, izay vokatry ny fiainana ny fahamarinana, ary ireo telo ireo dia mifaningotra. Mba hisian'ny fitohizan'ny fitantanana sy ny fitondrana ny firenena dia ilaina ny fifanajana, indrindra eo amin'ny fifampitondran'ny olom-boatendry sy ny olom-boafidy ary ny teknisiana. Fandaharana "mba ho vanona", iarahana amin'i Jeneraly Désiré Philippe Ramakavelo.

Ny antony anaovan'ny olona dokotera tena dia  noho ny toeram-pitsaboana lavitry ny toeranam-ponenana, eo koa ny tsy fahampian'ny fahefaha-mividy, eo koa ny fiparitahan'ny  fanafody eny amin'ny toerana tsy natokana hivarotana ireny fanafody ireny. Ny olona manao dokotera tena dia ireo izay mamaritra ny fototr'aretiny samirery. Manosika ny olona hanao dokotera tena ihany koa ny toetran'ireo mpiasan'ny tobim-pahasalamana. Mahasarotra ny fitsaboana ara-medikaly ny fanaovana dokotera tena satria mety efa zary fahazarana raikitra ho an'ny vatan'ilay marary ny fanafody heverina hanasitra aretina, noho ny fihinanana fanafody be loatra tsy nahazoana toromariky ny mpitsabo... Fandaharana "Amperala Miary" vokarina eto amin'ny RDB.

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...