Talata 11 aogositra 2020 — Herinandro faha-19 mandavantaona — Evanjely Masina nosoratan'i Masindahy Matio 18, 1-5. 10. 12-14 — Mitoetra be dia be ao anatinareo ny tenin'i Kristy. Isaory Andriamanitra Ray amin'ny alalan'i Kristy.

0 : 00

Raha akapoka amin'ny teny tokana, dia miompana amin'ny fifampitsimbinana ny votoatin'ny Vaovao Mahafaly androany. Rehefa nametrahan'ny mpianany fanontaniana iray i Jesoa manao hoe : "Iza moa no ambony indrindra amin'ny fanjakan'ny Lanitra ?", dia naka zazalahy kely iray i Jesoa ary nataony teo afovoan'ny rehetra. Ny tiany ahatongavana dia tsy hoe hiverina ho zaza akory isika, na hanao toe-jaza, na hanao sain-jaza, vao hahazo ny fanjakan'ny Lanitra, fa ny zaza dia manana hatsaran-toetra toy ny fahatsorana, izany hoe, tsy tia zavatra afenimpenina, fa tia ny marina ary manana fahazarana hilaza ny marina hatrany. Eo koa ny fahaizany miankin-doha lava amin'ny ray aman-dreniny na amin'ny hafa, izany hoe, mahatsapa fa tsy mahavita tena izy ka mitady sy mila fanampiana avy amin'ny hafa. Ary ny hatsaram-panahy iray hafa dia ny fanetren-tenany, manaiky omena sakafo, manaiky ampianarina any an-tsekoly ary manaiky entina mivavaka.

Noho izany, ny tiana ahatongavana, dia ny olona tsirairay avy izay mitonona ho kristianina, dia tokony, ary tsy maintsy manana ny kalitao ara-panahy ananan'ireny zazakely tsirairay avy ireny dia ny fahatsorana, ny fanetren-tena ary ny filana ny fanampian'ny hafa. Ny olona manana ireo no azo lazaina fa sahaza ny fanjakan'ny Lanitra. Jesoa Fitiavana ô, ao amin'ny hafa manodidina sy miara-monina aminay no endrika isehoanao, fa indrindra ny mahantra sy ny atao anjorom-bala, koa ampio izahay hahay hifampitsimbina amin'ny andavanandrom-piainanay. Amen.

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...