Nahakivy an'i Dera ny vokatr'iny nijeren'izy telo mianaka hira gasy iny. Tsy azony intsony izay akon'izany tamin'i Vola, na tombotsoa na fatiantoka. Na izany aza nefa tsy noraharahiany izany, efa leo ny mivaky loha lava izao izy.

Ankoatra ny dihy sy ny tonon-kira mahasarika ao anatin'ny hira gasy, eo ihany koa ny adihevitra mahaliana ifanaovan'ireo mpijery momba ny seho iaraha-manatrika. Fa hatramin'i Rivo kely aza voasarika hifantoka ; ary vaky nampitaha ny fanaon'i Dera tamin'ny fanaon'ireo mpandihy.

Tonga ny andro alahady hijerena hira gasy, izay tsy mbola nahazoan'i Vola an-tsaina ny zava-mitranga manodidina izany. Fahasahiranana nifanesisesy aloha no nosedraina mandrapahatonga teo amin'ny toerana voatondro ho azy ireo.

Nivoaka ny hopitaly ny rafozan-dahin'i Dera rehefa notsaboina teny nandritra ny tapa-bolana. Nahatsiaro faniriana te hijery hira gasy i Dera indray alahady tolakandro ka nilaza tamin'i Vola ny faniriany.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...