Na dia namakivaky tsy fahombiazana matetitetika aza i Dera ka nahatonga azy hieritreritra ny fotoana hahamendrika azy ho vadin'i Vola, dia nahatsapa izy fa tsy manaiky ny zava-misy tsy mahomby ; fa finiavana hanova ireny no setrin'izany.

Na dia noserantseranin'ny nenina aza i Dera teny am-boalohany rehefa nanatrika ny konseritr'i Handel, tato afara kosa tsapany ho nisy zava-dehibe banga tamin'ny fiainany raha tsy nanatrika izany fampisehoana izany izy.

Konseritr'i Handel no natrehan'i Dera sy i Vola. Hafahafa tamin'i Dera izany satria tsy nisy dobok'amponga fanairam-bahoaka, ho fampiomanana na sasisasiny akory ; na kabary kely fanokafan-danonana toy ny fahita amin'ny hira gasy.

Tamin'i Dera dia tsy fahafaham-po no vokatra nentin'iny fijerena hira gasy iny tamin'i Vola. Tsapany izany taty aoriana. Anjaran'i Vola indray kosa no nanasa an'i Dera hanatrika konseritra : nekeny an-jambany satria tsy nananany  fahalalana ny atao hoe konseritra.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...