Nihatra tamin'i Dera ary tsaroany hoe : "any am-poto-tsofina ny aina". Fa io vatana io : raha tsy mahazo ny sakafo sahaza azy isan'andro dia malemy tsy afa- manao na inona na inona.

Natrehan'i Dera ihany koa izany hoe raim-pianakaviana irery ao an-trano : tsy tao avokoa ny vady aman-janany sy ny mpanampy roa fa samy nanana adidy hotanterahana avokoa. Ary ny an'i Dera dia ny miandry trano sy ny mikarakara ny tenany no tsy maintsy atrehany. Teo no nahatsapany fa tsy mandehandeha ho azy amin'izao ny fiainana : mifoha, misakafo, miasa, matory. Dia toy izany hatrany.

Tsy vitan'ny fitaizana zaza ao an-tokantrano ihany fa ny fitaizana azy hatrany am-piangonana, dia nirotsahan'i Dera an-tsehatra mandrakariva. Ary dia nahita sy nahatsapa tokoa, fa tsy zavatra mora akory ny adidy amin'ny fananan-janaka : manomboka amin'ny fitondrana azy any am-bohoka, amin'ny fiterahana, amin'ny fitaizana sy fanabeazana azy.

Nandraman'i Dera natao avokoa izay fanaon'ny renim-pianakaviana amin'ny zazakely, kanefa mandrakariva dia tsy mba ataon'ny raim-pianakaviana. Nisedra olana hatrany nefa izy teo am-panatanterahana izany, saingy tsy kivy fa niatrika lalandava.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...