Alarobia 7 jolay 2021 — Herinandro fahefatra ambin'ny folo mandavantaona — Efa nataoko hoe Sakaiza ianareo, hoy ny Tompo; satria efa nambarako taminareo avokoa izay rehetra reko tamin’ny Ray — Evanjely Masina nosoratan'i Masindahy Matio 10, 1-7

Ry kristianina havana, indro àry fa maniraka ny mpianany i Jesoa rahefa nanome azy ireo fahefana handroaka ny fanahy maloto sy hanasitrana ny aretina mbamin’ny rofy rehetra. Izany hoe manaisotra izay manakana tsy hanjakan’Andriamanitra amin’ny olona. Manala ny fanaintainana sy ny fangirifiriana rehetra mba hanompoan’ny olona an’Andriamanitra am-piadanana.

Antsoina hoe "apôstôly" izy roa ambin’ny folo, izany hoe iraka. Antsoina amin’ny anarany avy satria samy manana ny maha izy azy ny tsirairay. Rehefa tanisaina toy izao ny anaran’ny Apôstôly dia i Piera no voalohany, entina ilazana ny anjara toerany manokana ao amin’ny Eglizy. I Jodasy Iskariota kosa no farany sady ampiana hoe ilay namadika Azy. Ny mahatoky manko no ilaina indrindra.

Alohan’ny handehanana hanatontosa iraka anefa dia mila miray aina amin’i Jesoa Mpamonjy tokana. Asan’izy Jesoa rahateo ihany no hatao fa tsy hafa akory. Ny vahoaka voafidy no atao laharam-pahamehana ary ny fanjakan’Andriamanitra efa akaiky no votoatin’ny iraka. Hitantsika taratra eto ny toetry ny Eglizy : iray, masina, katolika, apostolika. Mivavaha isika ho an’ny Papa dimbin’i Masindahy Piera sy ny eveka rehetra dimbin’ny apôstôly. Enga anie isika ho mpiara-miasa mahatoky amin’Andriamanitra. Amen.

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...