Nankahery ireo mpikirakira ny fitaovam-pifandraisana ny Papa François tamin'ny hafany ho an'ny Andro eran-tany faha-55 ho an'ny fifandraisan'ny mpiara-belona, mba ho vavolombelon'ny marina: andeha, hijery sy hizara.
Adidin'ny mpilaza vaovao sy ny mpampita hafatra ny mitady ny loharanom-baovao sy miray hina amin'ny ady hanoherana ny fanovana ny vaovao sy ny kolikoly. "Andraikitsika ny manabe ny fiaraha-monina sy manafaka azy amin'ny haizin'ny tsy fahalalana", hoy i Mgr Fulgence Rabemahafaly, Arsevekan'i Fianarantsoa, Filohan'ny Vaomieran'ny Eveka momba ny fifandraisan'ny mpiara-belona, manazava ny hafatry ny Ray masina.
