Talata 01 desambra 2020 — Herinandro voalohany amin'ny Fiaviana — Evanjely Masina nosoratan'i Masindahy Lioka 10, 21-24 — Avia, ry Tompo, vangio am-piadanana izahay mba hifalianay amin’ny fo lavorary.

0 : 00

I Jesoa nientan-kafaliana tamin'ny Fanahy Masina no ambaran'ny Evanjely. Ao amin'ny fiekem-pinoantsika dia hoe noforonin'ny Fanahy Masina tao an-kibon'i Maria Virjiny i Jesoa. Ka tsy hoe nahatorontoronina azy fotsiny ny Fanahy Masina dia izay, fa nomba azy nandritra ny fiainany manontolo, ary mbola manohy ny asany ao amin'ny Eglizy, hatramin'izao.

Nahomby tamin'ny asany i Jesoa. Noraisin'ireo madinika sy tso-po manko, ny Fanjakan'Andriamanitra notorin'Izy sy ny mpianany. Misaotra ny Ray Izy satria, ny Ray no nanokatra ny fon'ireto madinika, handray ny fanambarana. Noho izany, tsy izay mahay akory no masina, fa izay manetry tena, manaiky an'Andriamanitra. Sambatra ny masonareo mahita izao androm-pamonjena izao, hoy i Jesoa. Mahita an'i Jesoa sy ny asany, mandre ny teniny, manatri-maso ny fiainany, ka mino. Misy manko ireo mahita, na mandre fa tsy mino.

Fepetra voalohany hanatonana an'Andriamanitra ny fahatsoram-po. Tsy fahaizana ara-tsaina, fa fo misokatra hidiran'Andriamanitra. Miray hafaliana amin'i Jesoa ny mpianatra, faly fa tafita tsikelikely ny Fanjakan'Andriamanitra. Hanentanan'ny papa François antsika matetika : mba ho faly amin'ny fiainana isika, satria loharanom-pahamasinana ny hafaliana, ary ny Fanjakan'Andriamanitra dia fanjakan'ny hafaliana.

Hanenika antsika mianakavy anie, ny hafaliana avy amin'ny Fanahy Masina, tahaka ny hafaliana nanenika sy nampientana an'i Jesoa. Amen.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...