Alatsinainy 23 nôvambra 2020 — Herinandro faha-34 mandavantaona — Evanjely Masina nosoratan'i Masindahy Lioka 21, 1-4 — Misaotra Anao aho, ry Ray Tompon’ny lanitra sy ny tany, fa nambaranao tamin’ny madinika ny tsiambaratelon’ny fanjakanao.

0 : 00

Ny fomba fijerintsika olombelona matetika, mandiso ny fihevintsika. Ireo mpanan-karena nandrotsaka betsaka tamin’ny rakitra nataony dia nandrotsaka ny ambim-bavany kanefa hoy isika hoe nahavita be ireo. Fa ity mpitondra tena mahantra ity koa mba nandrotsaka rakitra saingy vola kely no narotsany, dia hoy indray isika milaza fa tsy nahavita firy izy, ary indraindray aza tsinontsiniavintsika izay vitany. Toe-javatra mety hiseho eny amin’ny fiaraha-monina eny ny fanaovana tsinontsinona ireo mahantra, ireo madinika, hany ka tsy mba misy mijery ireny na miezaka manao izay ho afany aza izy ireny amin’ny adidy isan-karazany. Hafa anefa ny fijerin’i Jesoa, io mahantra mpitondra tena io no tena nahavita be, satria izay ananany manontolo dia ny fivelomany rehetra no natolony ho an’Andriamanitra. Koa tsy miankina amin’izay habetsahan’ny tolotra atao no mampanan-danja azy eo anatrehan’Andriamanitra fa miankina amin’ny toe-po sy toe-panahy entina manolotra. Koa ny fiainany manontolo no natolony ho an’Andriamanitra.

Ny rakitra ataontsika dia tandindon’ny fanolorantsika ny tenantsika ho an’Andriamanitra. Manana ny lanjany eto ny fahafoizana manontolo ho an’Andriamanitra. Koa ny tenantsika, ny fiainantsika manontolo no sitrany atolotsika Azy. Tsy ny ambinambiny amin’ny fiainana no atolotra Azy. Mety ho fakam-panahy mahazo antsika ny hoe tsy mandeha mivavaka any am-piangonana raha tsy hoe tsy misy atao. Ny alahady no andro natao hihaonana amin’Andriamanitra any am-piangonana, kanefa indro hanaovana zavatra hafa, hany ka tsy laharam-pahamehana ny mandeha mivavaka. Ny tenantsika no tian’Andriamanitra hihaona Aminy any am-piangonana. Isika mihitsy no tiany hanompo ny namantsika, hahafoy tena sy fotoana hanaovana asa soa. Ny hitsarana antsika amin’izay dia ilay fitiavana manontolo tsy misy anombinana natolotsika ho Azy sy ho an’ny namantsika. Eo anatrehan’Andriamanitra, mahantra isika rehetra. Koa ilaintsika ny fitiavan’Andriamanitra, ny famindram-pony. Manan-karem-pahasoavana Izy, ka afaka mizara izany ho antsika mila izany avy Aminy. Amen !

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...