Ankalazaina izao 11 janoary izao i Masindahy Paulin d'Aquilée. Teraka teo anelanelan'ny taona 730 sy 740 tao Premariacco faritanin'i Udine i Paulin. Fanta-daza tamin'ny fahaizana sy ny fahalalana izy satria mpanoratra izy. I Alcuin dia nifidy azy ho mpampianatra ary ny Amperora Charlemagne dia niantso azy ho mpanolo-tsaina tao an-dapa indrindra ny amin'ny ara-pivavahana.

Ny taona 787 io Amperora io no nanendry azy ho eveka tao Aquilée tao Frioul, Italia. Nantsoin'i Charlemagne hoe "gammaticae magister" izy, izany hoe mana-pahaizna momba ny fitsipi-pitenenana. Ny taona 782 izy niaraka tamin'i Alcuin dia isan'ireo tao anatin'ireo manam-pahaizana tao an-dapa ka tamin'izany fotoana izany i Paulin no nitondra ny anaram-bosotra hoe "Timothée".

Tamin'ny fotoana nitondran'i Paulin ny Fiangonana dia niezaka nanohitra ny fampianaran-diso nataon'ireo "adoptianistes" izy, izay nilaza fa i Jesoa Kristy dia zanaka natsangan'Andriamanitra. Teo ihany koa ny fotoan-tsarotra nolalovan'ny Fiangonana teo amin'ny fifandimbiasam-panjakan'ny Lombards sy ny Francs.

Nandray anjara tamin'ny Konsilim-paritra tao Aix-la-Chapelle ny taona 789 i Paulin. Toa izany koa ny Konsily tao Ratisbonne ny taona 792 ary ny tao Francfort ny taona 794. Maro ireo asa-sorany toy ireo "Traités théologiques", nahitana ohatra ny boky "Libellus Sacrosyllabus" sy ny hoe "Contra Felicem" nanoherany ireo adoptianistes. Nisy ihany koa boky nosoratany ho an'i Eric de Frioul tamin'ny tao 797 mitondra ny lohateny hoe "Liber exhortationis". Nanoratra tononkalo maro ihany koa i Paulin. Tao ny "Regula fidei", fiekem-pinoana nataony manokana io. Hafa koa ny "Versus de Herico duce", hira noforonina hanomezam-boninahitra an'i Eric de Frioul tamin'ny fandevenana azy. Nisy ihany koa ilay antsoina hoe "Versus de Lazaro", kalo momba ny fitsanganan-ko velon'i Lazare. Noho io asan'i Paulin ara-panahy sy ara-kolontsaina io no nahatonga ny olona hiantso azy hoe hazavan'ny finoana an'i Kristy.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...