Nanolotra fiara mpitondra marary na "ambulance" iray ho an'ny Aumônerie Apostolique misahana ny olona sahirana ny Papa François, ny marainan'ny alahadin'ny pantekôty teo.

Notsofiny rano io fiara io mialoha ny nanolorany azy ho ampiasain'ny tompon'andraikitra amin'io Aumônierie io. Natao indrindra hamonjena ireo tsy manan-kialofana miaina manodidina an'i Vatican sy ireo mipetraka amin'ireo tranotrano tsy zarizary ao Rome io fiara mpitatitra marary io. Natao ho fahatsiarovana ny vehivavy iray tsy nanan-kialofana ka namoy ny ainy teny an-dalambe, noho ny fandàvan'ny fiara mpitondra marary ny hitondra azy, izao fihetsika izao fihetsiky ny Papa nanolotra ilay "ambulance" izao. Tranga niseho tamin'ny 31 janoary 1983 io nahazo an-dramatoa Modesta VALENTI io ary efa nmisy lalana iray nampitondraina ny anaran'izy io moa ao Rome ankehitriny. Olona nahantra ka naloto io ramatoa io ary nifanilahan'ireo tompon'andriakitra tamin'ilay fiara mpitondra marary ny fandraisana azy na dia hita ho tsy salama aza izy. Nitarika ny fahaafatesany ny fahataran'ny fandraisana an-tanana azy. Efa an-taonany maro moa, tsiahivina, no miara miasa amin'ireo dispensera "fixes" sy "mobiles" eo anivon'ny Aumônerie Apostolique ny "ambulance "an'i Vatican.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...