Nofaranan’i Papa François tamin’ny fanentanana hivavaka ho an’i SYRIE sy ny ankizy any YEMEN ny vavaky ny Angélus, teo amin’ny Kianjan’i Masindahy Piera, omaly alahady.

Nofidiany manokana ireo firenena 2 ireo noho izy ireo anjakan’ny ady ka mahatonga ny toe-draharaha mahaolona ho tandindomin-doza. Notsiahivin’i Papa tamin’io ny hisian’ilay fikaonadoha faha-4 ho tanterahina any BRUXELLES rahampitso talata, hanindihana ny momba an’i SYRIE. Fikaonandoha izay antenaina fa hanatsara ny toe-draharaha iainan’ny vahoaka siriana sy ireo mpifanolobodi-rindrina aminy, toa ny ao Liban. Tompo-marika amin’ny fikarakarana izany ny Vondrona Eraopeana sy ny Firenena Mikambana. Tsiahivina fa efa nahazoana vola 7 miliara dolara ny fivoriana notanterahina tahaka izao tamin’ny taon-dasa ka nahafahana nanampy ny vahoaka siriana izany. Nanentana mba hivavaka ho an’ny vahoaka any YEMEN koa ny Papa, indrindra ho an’ny ankizy izay tena lasibatra amin’ny krizy vokatry ny ady an-trano any an-toerana, nanomboka ny taona 2014. Vao tsy ela akory izay no nampitandrina amin’ny fisian’ny tsy fanjarian-tsakafo mahazo ny ankizy yéménites ny UNICEF. Ankoatra an’i SYRIE sy YEMEN, nangata-bavaka ho an’ny mponina lasibatry ny tondradrano any amin’ny faritra andrefan’i UKRAINE koa i Papa François tamin'io omaly io.

 

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...