Manohana hatrany ireo rehetra miasa amin’ny sehatry ny ranomasina i Papa François.

Navoitrany tamin’ny hafatra an-tsary nalefany ho azy ireo ny maha-zavadehibe ny asa an-dranomasina sy ny mpanjono noho izy ireo mamatsy ara-tsakafo sy mitondra vokatra hafa ilaina amin’ny fiainana andavanandron’ny olombelona. Hafatra mifono fankaherezana, indrindra amin’izao fotoana hanjakan’ny covid-19 izao. Miantrana am-bava loza ireo mpisehatra amin’ny tontolo an-dranomasina ireo, hoy Papa François, ary enta-mavesatra ho azy ireo ny tsy maintsy hanalavirany ny fianakaviany sy ny tany niaviany ary ny tahotra amin’ny mety hifindran’ny tsimokaretina amin'izao fisian'ny valanaretina izao. Mitondra am-bavaka anareo hatrany aho, hoy iny Papa, nampahatsiahy fa mpanjono avokoa ny mpianatr’i Jesoa. Tsy adinony koa ny nanankina ireo mpiantsehatra amin'ny tontolon'ny ranomasina ireo amin'i Masina Maria Kintan'ny Ranomasina.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...