Miteraka faharatsian'ny kalitaon'ny hena vokarina ny tsy fahalavorarian'ny sakafo omena ny biby fiompy. Mbola ambany ny fampiasàn'ny tantsaha mpiompy ny provandy hanatsaràna ny sakafon'ny biby fiompy mba ahazoana vokatra tsara kalitao... 

Noho ny halafosan'ny provandy no antony voalohany mahatonga izany hoy Andriamatoa Ratefiarison Mandrindra, teknisiana eo amin'ny sehatry ny fambolena sy ny fiompiana ; ka nahatonga azy nanoratra boky mba ahafahan'ny tantsaha eny ambanivohitra sy ireo misehatra amin'ny fiompiana hahaleon-tena manamboatra provandy. Voarakitra ao anatin'izany boky ahitàna pejy 72 izany ny raiki-pohy amin'ny fanamboarana provandy ho an'ny akoho amam-borona, ny omby vavy be ronono, ny kisoa... Nandritra ny fotoanan'ny fihibohana teto amintsika tamin'ny taon-dasa no namolavolany azy. Mandrindra ny fanoratana ny boky ary ny volana novambra lasa teo no namoahany izany. Efa hita eny amin'ny toeram-pivarotam-boky, indrindra ireo mivarotra ny boky momba ny fiompiana sy ny fambolena ity boky ity...

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...