Mompera Pedro Opeka : 30 taona mahery nanentanana ny olona hiady amin'ny fahantrana, mba hananana fiainana tsaratsara kokoa. 30 taona mahery nahitana fahombiazana, nisedrana fahoriana samihafa, isan'izany ny fiatrehana ny coronavirus saingy toa lalovana fotsiny izany rehefa ny fitiavana ny olona rehetra ho toa ny rahalahy sy anabavy no nanosika hiantsehatra amin'izany. Mitohy ny ezaka fampandrosoana sy ny fandresena ny fahantrana nataon'ny fikambanana AKAMASOA tao anatin'ny 30 taona mahery... 

0 : 00

Niainga tamin'ny foto-drafitr'asa farany izay tsotra ny tao Andralanitra 30 taona lasa mahery. Ankehitriny, tanàna itoeran'ny fandrosoana amin'ny lafiny samihafa no tazanao ao amin'ny ankapobeiny. Ny finoana tokoa mahafindra tendrombohitra, ka nody ventiny ny rano natsakaina. An'hetsiny ireo olona nandalo tao amin'ny toby Akamasoa nila vonjy ka nampian'ny Fikambanana. Nahatsangana trano 3.000 mahery ny Akamasoa, efitrano sekoly 300 mahery amin'ireo, sekoly 30 vaovao nahorina. Miisa 30.000 ny olona mipetrakaao amin'izany vohitra izany tamin'ny faha-30 taonany, izay ireo nampian'i Mompera Pedro, izay avy aminà fianankaviana sahirana an'arivony maro. Manodidina ny 14.000 ny ankizy mandia an-tsekoly. Izany no porofo hoy Mompera Pedro fa tsy lahatra akory ny fahantrana.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...