Maro amintsika no efa mahalala ny voka-tsoa avy amin’ny ravintsara fantatra amin’ny anarana ara-tsiansa hoe : Cinnamomum camphora. Manasitrana aretina maro noho ireo singa ahafahana mitsambo hita ao anatiny ity zavamaniry iray ity. Manadio ny tontolo iainana. Loharom-bola fanampiny ho an’ny tokantrano ho an’ireo vehivavy mamboly azy araka ny fanazavan’ny filohan’ny Vovonana Ravintsara Dokotera Razafinakanga Alice.

0 : 00

Efa nisahana ny andraikitra Ministry ny Asam-panjakàna sy ny Asa ary ny Lalàna Sosialy nandritra ny governemanta Andrianarivo Tantely, ny taona 1999 sy 2000 nandritra  Repoblika fahatelo ny Dokotera Razafinakanga Alice. Niezaka hatrany nanandratra ny lalam-pihariana Ravitsara teto Madagasikara tamin’ny fomba maro samihafa izy sy ny fikambanana najorony ampiroboroboana ity zava-maniry manana ny anjara toerana ity.

Sarobidy ho an’ny fahasalamana ny ravintsara, hoy Dokotera Razafinakanga Alice ka tsy azo tsinontsinoavina ny fambolena sy ny fampiroboroboana azy. Miady amin’ny gripa, ny fanaintainan’ny nofo, ny rarintsaina ny fampiasana ny ravintsara raha tsy hitanisa afa-tsy ireo. Miavaka ny ravitsara ambolena eto amintsika noho ny singa maro sy tsara hita ao antiny.

Noho ireo zava-tsoa entin’ny ravintsara ho an’ny fahasalamana ireo, maro ny firenena manafatra ny vovoka sy ny loha-menaka azo avy aminy. Mivelatra ny lalam-barotra. Mampidi-bola ho an’ny tantsaha maro milofo aminy indrindra ny vehivavy satria loharanom-bola fanampiny ho an’ny tokantrano ny fambolena azy. Mamporisika ny vehivavy hamboly ravintsara eo an-tokontaniny ny Dokotera Razafinakanga Alice na dia fototra iray ihany aza. Mamaha olana ao an-tokantrano ny vola azo avy aminy. Misakafo tsy tapaka ny ankohonana. Mianatra sy manana fitaovam-pianarana feno ny ankizy.

Tsy tokony hiandry ny hetsika fankalazana ny andro eran-tany ho an’ny 08 marsa ny vehivavy vao hahatsapa hamboly hazo fa atomboka ao an-tokantrano amin’ny fiainana andavanandro izany. Ankoatra ny vola azo avy amin’ny fambolena ity hazo ity dia manadio ny tontolo iainana ihany koa ny ravintsara, hoy ny Dokotera Razafinakanga Alice. Ny rivotra iainana izay efa voaloto amin’ny ankapobeny indrindra ho an’ny tontolo an-drenivohitra. Azo atao tsara ny manao zaridaina eo an-tokontany ka tsy hadino ny mamboly ravintsara. Efa fanao ho an’ny renivohitra eran-tany izany.

Amin’ny maha filohan’ny fikambanana azy, manao atso avo amin’ny fitondram-panjakana hijery akaiky ny herisetra mianjady amin’ny vehivavy ny Dokotera Razafinakanga Alice. Mirongatra mantsy izany raha tsy hiteny afa-tsy ny fanolanana. Manentana  ny fiaraha-monina hanana fitondran-tena tsara ihany koa izy ka tokony halavirana ny teny ratsy izay tsy fanabeazana mihitsy ny taranaka.

Ny rariny ho fampivoarana ny marefo

Arahanao amin'ny rakitsary eto ny firarian-tsoa avy amin'i Mgr Désiré Tsarahazana. "Raha tiantsika ny ho sambatra, dia tsy maintsy mampanjaka ny marina isika", hoy i Mgr Désiré Tsarahazana tamin’ny firarian-tsoa nataony ho an'ny Malagasy amin’izao Noely izao. Tia antsika rehetra tsy an-kanavaka Andriamanitra, noho izany dia tokony hifanaja sy hanampy ary hiaro ireo marefo indrindra.

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...