Sabotsy 31 jolay 2021 — Herinandro fahafito ambin'ny folo mandavantaona — Ampianaro ahy, ry Tompo, ny lalànao, ary tariho ho amin’ny lala-mahitsy aho — Evanjely Masina nosoratan'i Masindahy Matio 14, 1-12

Manampy antsika handinika ny fomba fiainantsika ny finoana maha kristianina antsika ireo karazan’olona aroson’ny Evanjely anio :

I Joany Batista. Ireo vondrona kristianina miezaka ny hiaina ny rariny sy ny hitsiny araka ny Evanjely. Karazana kristianina sahy ny manitsy am-pirahalahiana ny fahadisoanao mba hiovanao amin’ireo toetra tsy mendrika amin’ny maha kristianina. Karazana kristianina te hiaina lalindalina kokoa ny finoany sy ny Evanjely araka ny nampitan’i Jesoa Kristy azy. Mampalahelo ny mahatsapa fa efa mihalany tamingana ity karazana kristianina voalohany ity.

I Heroda mpanjaka. Ireo kristianina finaritra maheno ny fanananarana avy amin’iretsy karazana kristianina eo aloha, saingy tsy miafara amin’ny fibebahana velively akory ny zavatra ataony. Ireo karazana kristianina tsy manana fotoana handinihana mialoha ny handraisany fanapahan-kevitra fa manaraka ny onjam-piainana dia avy eo mora manenina. Izany hoe, ireo kristianina milaza foana hoe : "Eo mahita izy e !". Karazana kristinina matahotra vavam-bahoaka sy matin-kena-maso ka mahavita mandray fanapahan-kevitra tsy vokatry ny fony, satria izany no heverina fa mahafaly ny manodidina ; izay no heverina hahaela fanapahana sy tsy hahatapaka ny sotro fihinanany.

I Herodiada indray, dia ireo karazana kristianina mahay manararaotra ny halemen’ny sasany ary mahavita milalao ny fihetseham-pony mihitsy aza : ireny no atao hoe kristianina mampifilafila. Ireo karazana kristianina te hanalava ny maha tokantrano imaso azy, fa tsy vonona mihitsy ny hiroso amin’ny lalindalina kokoa amin’ny sakramentan’ny fanambadiana kanefa tsy manana sampna velively amin’ny firosoana amin’izany izy roa ; ary loza ho an’izay mikitika an’io fomba fiainany io fa avy hatrany dia tapa-doha sy mandraingiraingy.

[Miara-dalana] Zoma 24 septambra 2021

♦ Fanamasinana ho pretra sy ho diakra, fankalazana ny taom-bolafotsin'ny FFVA, ary fitsofan-drano ireo mpitarika APV : ireo no hanamarika ny ivon'ny fankalazana ny faha-160 taona nitoriana an-kalalahana ny finoana teto Iarivo, amin'ny alahady 26 septambra izao... ♦ Nomarihana tamin'ny faran'ny herinandro teo ny fetin'ny Lakroa Masina, mpiaro ny Aumônerie Catholique Militaire ao amin'ny Arsidiosezin'i Toamasina... ♦ Namoaka ny laharana voalohany amin'ny tahirin-kevitra siantifika "Ilon-tsaina" ny Ivon-teorana Arrupe eny Faravohitra, eo ambany fiahian'ny Fikambanan'i Jesoa...

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Tondrozotran'ny Firohotan'ny Tanora Salezianina

Ny sabotsy 31 jolay 2021 tamin'ny 2 ora sy sasany folak'andro lasa teo, oran'ny Roma, no notanterahana ny fivoriambe nataon'ny tompon'andraikitry ny MSJ (Mouvement Salésien des Jeunes) na Firohotan'ny Tanora Salezianina maneran-tany, izay niarahan'izy ireo tamin'i solontenan'ny pastoralin'ny tanora sy ny mpandrindra an'ity MSJ ity. Araka ny atontan'isa dia nahitana mpandray anjara miisa 130 tamin'ity fivorianam-be ity.

Tohiny...