Alarobia 11 desambra 2019 - Herinandro faharoa amin'ny Fiavian'ny Tompo.
Evanjely Masina nosoratan'i Masindahy Matio 11, 28-30.
Indro ho avy ny Tompo hanavotra ny vahoakany, sambatra izay vonona hitsena Azy.
Amin'izao fiainana mafy sy sarotra izao, ao anatin'ny olana saro-bahana, ao antin'ny fijaliana mafaitra i Jesoa no miteny amintsika hoe "mankanesa aty amiko ianareo rehetra izay mijaly sy vesaram-pahoriana fa hanamaivana anareo Aho". Tsy manery Izy amin'izany, isika no tompon-tsafidy na ho any aminy na tsia. Fa raha tsy mankany aminy ve, ho sahy hilonjotra irery izay mampijaly antsika? Ho zakantsika ve izany? Misy indray ny miteny hoe "efa nentiko teo aminy fa tsy hitako izay vahaolana narosony". Tsy mijanona hatreo anefa ny teniny fa nampiany hoe "Ento ny jiogako ary mianara amiko".
