Alarobia 21 septambra 2022 — Masindahy Matio, Apôstôly Evanjelista — Midera Anao izahay, ry Andriamanitra, ary manaiky fa Ianao no Tompo. Ny antokon’ny Apôstôly be voninahitra dia midera Anao, Tompo — Evanjely Masina nosoratan'i Masindahy Matio 9, 9-13

Mankalaza ny fetin'i Masindahy Matio, Apôstôly Evanjelista, ny Fiangonana anio, ka mampahatsiahy antsika ny fomba fiasan'i Kristy, izay mifidy olona mandrakariva hiara-miasa aminy ; eny fa na ireny heverin'ny fiaraha-monina ho tsinontsinona, mpanota toa an'i Matio ireny aza : "Tsy ny finaritra no mila mpanao fanafody fa ny marary. Tsy tonga hiantso ny marina aho, fa ny mpanota". Ny fiantsoan'i Kristy an'i Masindahy Matio ity ny manambara amintsika fa lehibe lavitra noho ny fahotana sy ny kilemantsika ny famindram-pon'Andriamanitra, indrindra raha manaiky ny sitrapony isika, izany hoe manaiky hibebaka, hiala amin'ny fahalementsika. Diniho anie ny fihetsika nataon'i Matio, rehefa nantsoin'i Jesoa hanaraka azy izy dia tsy nisalasala nandao ny zavatra rehetra, niala tamin'ny mahazatra : izay ilay fibebahana. Tadidio àry, fa te hiara-miasa amintsika mandrakariva i Kristy, ary tsy noho ny fahamendrehantsika no iantsoany antsika fa noho ny famindram-pony sy ny fitiavany. Koa aza mihevitra ny tenanao ho lavorary toa ireto Farisianina ireto àry, fa manàna fanetren-tena tahaka an'i Masindahy Matio, ka manaiky hotsaboin'i Kristy, hositraniny amin'ny fahotantsika.

[Miara-dalana] Alatsinainy 3 ôktôbra 2022

♦ Efa nivoaka ho boky ny angon-kevitra natao nandritra ny fanomanana ny Sinaodin'ny Eveka, hatao amin'ny taona 2023, ho antsika eto Madagasikara... ♦ Notokanana omaly ny Seminera Zokiny misy ny Filôzôfia, iraisan'ny Arsidiôsezy Atsinanana, ka ao Analamalotra ao amin'ny Diôsezin'i Toamasina no misy azy... ♦ Nôvisy roa ambin'ny folo mirahalahy no niroso nanao ny voady voalohany ao amin'ny fikambanan-drelijiozy Karma...

Tohiny...

Fitiavana sy famonjena

Hafaliana lehibe ny Noely satria ny fitiavan'Andriamanitra no tonga amintsika, hoy i P. Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice, tamin'ny firarian-tsoan'ny Noely 2021. Tonga ny famonjena izay midika tsy faharahavan'ny fiainana. Io fitiavana sy famonjena io no irariana hanjaka ao amin'ny fiainantsika, ka hifanampy mba hiainan'ny fiadanana sy ny fandriampahalemana.

Tohiny...

Am-pitiavana ny zavatra rehetra

Natolotr'i P. Angèl Artime Fernandez, Lehiben'ny Fikambanana salezianina maneran-tany, amin'ity horonan-tsary ity ny teny fanentanana ho an'ny taona 2022, nampitondrainy ny lohateny hoe : "Ataovy am-pitiavana ny zavatra rehetra, ialao ny an-tery". Hevi-dehibe, izay ifandraisan'i Masindahy François de Sales sy i Don Bosco no hazavainy amin'izany : ialao ny an-tery, Andriamanitra ao amin'ny fon'olombelona, ny fiainana ao amin'Andriamanitra, ny halemem-panahy sy toetra maha-te ho tia eo amin'ny fifandraisna, ny Fitiavana tsy misy fepetra sy tsy misy fetra, ny maha zava-dehibe ny fitantanana am-panahy, am-pitiavana ny zavatra rehetra.

Tohiny...